حركات غبية منعملها كل يوم

حركات غبية ونحن دائما نسويها والله انا جدا جدا مستغرب
حركات غبية ونحن دايما نسويها ههههه
بصراحة في حركات غبية نسويها في حيــــاتنا اليــــــوميه و نحنـــــــا منعرف إنها غبية ومع ذلك نسويها ليش؟؟
مــــــــــــابعرف!!
* ليش إذا كانت بطارية الريموت كنترول ضعيفة نضغط بقوووووه على الأزرار؟؟؟؟
>>يعني ايدينا بتشحن البطارية
* ليش نضعف صوت المسجل أو الراديو في السيارة إذا ضيعنا الطريق؟؟؟
>>يعني هيك بنعرف الطريق ؟
* ليش إذا شفنا على الجدار: احترس من الدهان؟...مانصدق ونجرب بأصابعنا..
>> يعني لازم يحلفوا اني الحيط مدهن
* ليش إذا تأخر المصعد نضغط على الزر مية مرة؟؟؟
>>يعني هيك بيحس على دمه وبيفتح
* ليش إذا نشرب البيبسي ونخلصه منهز العلبة؟؟
>>يعني متحسفين على اللي بقى
* ليش إذا نكون قاعدين بمكان عام ونسمع رنة مسج ولارنة موبايل على طووووول نشوف موبايلنا؟؟
>> ليش حضرتك مهم لهالدرجه علشان يرن لهالبشر كلها !!
* ليش اذا لعبنا بلاي ستيشن (لعبة سيارات) نلف مع السيارة اذا تحرك يمين ويسار؟؟
>>الاخ على باله هو سياره
هذا موضوع من إنشائي
وارجو الجميع يخبرني هل هو يفعل هذه الحركات ام لا
بصراحة

انا بالنسبة الي رح جاوب بصراحة واعطيك تبرير للشي يلي عم تساله في كتير اشيا من يلي ذكرتها انا بالنسبة الي بعملها
اهم الاسباب يلي بتخلينا نتصرف بهالطريقة هي قلة الصبر متل زر المصعد
بالنسبة لصوت الراديو اكيد مابنعرف الطريق بس لمن بنضيع بيديق خلقنا وبدون شعور بنحاول نسكت اي صوت جنبنا لان بنكون عصبنا حتى نركز ونرجع نفكر
بالنسبة للدهان على مبدا (لايصدق الخروف حتى يشوف) وهذا طبع فينا
بالنسبة للعبة البلاي استيشن لان النفعال هو موجود فينا وبنفكر انه بأي طريقة رح نعبر عن انفعالنا
اما بالنسبة للبيبسي لان مابنحب يخلص الشي يلي عنا
واكيد كل تصرف بنتصرفه في اله علاقة بتحليل علمي
بس عن جد لفتة حلوة كتير منك مشكور صديقي

هالحركات من طبيعة الإنسان ونتيجة العادات المتكررة لهيك بتعلق بذهنا
يمكن هالشي علم بحد ذاتو اسمو الاستجابة الانعكاسية وهاد إلو علاقة بالجملة الودية ونظيرة الودية لأنهن بيتحكموا بالأفعال إن كانت إرادية أو غير إرادية
مشكور صديقي